2014-03-06 13:29

რუსეთიდან უკრაინისკენ მიმავალი, კომუფლაჟებში ჩაცმული და „დუბინკების“, ცივი იარაღისა და ნიღბების მქონე „ტურისტების“ რიცხვი იზრდება, თუმცა უკრაინელი მესაზღვრეები საგანგებო რეჟიმში მუშაობენ და მათ უკრაინაში არ უშვებენ.

ამის მიზეზი ის გახდა, რომ უკრაინელმა მესაზღვრეებმა ყირიმში უარი თქვეს ფიცის დადებაზე თვითგამოცხადებული ხელისუფლების წინაშე.

სახელმწიფო საზღვრის დაცვის სამსახურში აცხადებენ, რომ მხოლოდ გასული დღე-ღამის განმავლობაში რუსეთიდან უკრაინის მიმართულებით მესაზღვრეებმა 540 მოქალაქე გაატარეს, თუმცა, მათ ჩამოართვეს ის ნივთები, რომელთა საზღვარზე გადატანა აკრძალულია: დანები, ხელკეტები, კომუფლიაჟი, ნიღბები.

სახელმწიფო საზღვრის დაცვის სამსახური აცხადებს, რომ ამ დრომდე გრძელდება და მომავალშიც გაგრძელდება რუსეთის ფედერაციის მოსაზღვრე რეგიონებში ოპერაცია „საზღვრის“ მიმდინარეობა, რაც რუსეთის ფედერაციიდან იმ პირთა უკრაინაში შეშვების შეზღუდვას გულისხმობს, რომლებმაც, გონივრული ეჭვით, შესაძლოა, ექსტრემისტული ხასიათის ღონისძიებებში მიიღონ მონაწილეობა.