2014-03-06 12:19

იმ რუს სამხედროებს, რომლებმაც 4 მარტს უკრაინის საზენიტო-სარაკეტო ტაქტიკური დაჯგუფების „ყირიმის“ კონტროლქვეშ აყვანა სცადეს, უკრაინელ მეზენირეებს „ბუკის“ განთავსება და ერთობლივი საბრძოლო მორიგეობის დაწესება შესთავაზეს.

ამის შესახებ გენერალ-მაიორი ოლეგ სტრუცინსკი უკრაინის თავდაცვის სამინისტროს გაზეთ „ნაროდნაია არმიას“ მეშვეობით იტყობინება.

„რუსი სამხედროების მხრიდან ამგვარი ჩარევის მცდელობამ, შესაზოა, უკრაინის საჰაერო სივრცეში მოძრავ საფრენ აპარატებს საფრთხე შეუქმნას, ამიტომაც, ამის გაკეთება დაუშვებელია“, - აცხადებს უკრაინელი გენერალი.

მისივე თქმით, ოკუპანტებმა ულტიმატუმი წაუყენეს უკრაინელ სამხედროებს და მათ ხელს უშლიან, სამხედრო სამსახური ჯეროვნად შეასრულონ.

საშუალო სიშორის მრავალფუნქციური მაღალი მობილობის საზენიტო-სარაკეტო კომპლექსი "Бук" გამოიყენება სტრატეგიული და ტაქტიკური ავიაციის თვითმფრინავთა გასანადგურებლად, ასევე ფრთოსანი რაკეტების, ვერტმფრენებისა და სხვა საფრენი აპარატების წინააღმდეგ.

საზენიტო-სარაკეტო კომპლექსი, შესაძლოა, გამოიყენებოდეს ასევე ჰაერსაწინააღმდეგო თავდაცვისთვის, სამხედრო ობიექტების დაცვის მიზნით, ასევე, შესაძლოა, მას მიეცეს მოდულის დანიშნულება ტაქტიკური რაკეტსაწინააღმდეგო თავდაცვის დროს.

შეგახსენებთ, რომ საქართველოს არმიის შეიარაღებაში მყოფი „ბუკი“ რუსმა ოკუპანტებმა 2008 წლის აგვისტოში სენაკის მეორე ქვეითი ბრიგადის ბაზიდან აფხაზეთის ტერიტორიაზე გადაიყვანეს.

ფოტოზე: საზენიტო-სარაკეტო კომპლექსი «Бук-М1»