2020-03-24 12:28

ამ ეტაპზე კლინიკაში არის 60 პაციენტი, გუშინ მივიღეთ 18 საეჭვო შემთხვევა, ტესტები უკვე გაგზავნილია ლუგარის ლაპორატორიაში. ჩვენთან სულ 6 ინფიცირებული პაციენტია მოთავსებული- ამის შესახებ ჟურნალისტებს პირველი საუნივერსიტეტო კლინიკის დირექტორმა, ლევან რატიანმა განუცხადა.

მისივე თქმით, ამ 6 პაციენტიდან ერთის მდგომარეობა კრიტიკულია, დანარჩენი ხუთის კი- სტაბილური.

„ქალბატონის მდგომარეობა, რომელიც არის მარნეულიდან, დინამიკით ცვლილების გარეშეა. ვინარჩუნებთ მხოლოდ და მხოლოდ ვიტალურ პარამეტრებს, ოქსიგენაციის პარამეტრები მეტნაკლებად გაუმჯობესებულია, მაგრამ ეს არ ნიშნავს, რომ პაციენტთან დადებითი დინამიკა გვაქვს“- განაცხადა ლევან რატიანმა.

21 მარტს საქართველოში საგანგებო მდგომარეობა ამოქმედდა.