2020-03-19 17:35

მთავრობის ადმინისტრაციაში დღეს უწყებათაშორისი კომისიის წევრები კერძო კლინიკის წარმომადგენლებს შეხვდნენ.

შეხვედრის დასრულების შემდეგ განცხადება გააკეთა “ვივამედის” გენერალურმა დირექტორმა ნინო ნადირაძე-კუზანოვმა. კლინიკის ხელმძღვანელი აცხადებს, რომ შესაძლო ფორსმაჟორის რეჟიმში, კლინიკას პაციენტების მიღება ხვალვე შეუძლია. კლინიკა „ვივამედს“ 220 საწოლი და მართვითი სუნთქვის 30 აპარატი აქვს.

„მთლიანი კერძო სექტორი გვერდით უდგას სახელმწიფოს და ხალხს იმიტომ, რომ ეს ყველას ეხება. ყველა კლინიკამ გამოთქვა მზადყოფნა, რომ მაქსიმალური მხარდაჭერა აღმოუჩინოს სახელმწიფოს ნებისმიერი სცენარის განვითარების შემთხვევაში. ჩვენი კლინიკა არის 220 საწოლზე და გვაქვს 30 მართვის სუნთქვის აპარატი. მთლიანად მობილიზებულები ვართ, ყველაფერი გათვლილია დეტალებში, სახელმწიფოს მხრიდან არსებობს გეგმა ვინ როდის, როგორ უნდა მოიქცეს და ჩვენ მკაცრად მივსდევთ ამ გეგმას,“ – განაცხადა ნინო ნადირაძე-კუზანოვამ.