2019-12-19 15:50

სახელმწიფო ინსპექტორი „მწვანე სკოლაში“ შევიდა.

მიზეზი გამოძიების შედეგად გამოკვლეული გარემოებებია, კერძოდ,სახელმწიფო ინსპექტორის

სამსახურის საჯარო და კერძო სექტორზე ზედამხედველობის დეპარტამენტის უფროსმა ოთარ

ჩახუნაშვილმა აღნიშნა, რომ სკოლის მხრიდან არასრულწლოვანთა პერსონალური მონაცემების

გამოყენების წესების დარღვევის ნიშნები გამოიკვეთა.

"ამ გადაწყვეტილების მიღების საფუძველი გახდა გამოძიების შედეგად გამოკვლეული გარემოებები, ასევე,

მედია საშუალებების მეშვეობით გავრცელებული ინფორმაცია და დამატებით შედეგებს საზოგადოებას

აუცილებლად ვაცნობებთ. სკოლაში დაგვხვდებიან სკოლის წარმომადგენლები და მათთან ერთად სამსახური

შეისწავლის პერსონალურ მონაცემთა დამუშავების კანონიერებას. მათ შორის შეიძლება იყოს სკოლის

ტერიტორიაზე ვიდეოთვალთვალის კანონიერებაც. პერსონალურ მონაცემთა დაცვის შესახებ კანონი ადგენს

კონკრეტულ წესებს და პირობებს, რა შემთხვევაში არის დასაშვები ვიდეოთვალთვალი და სწორედ

კანონმდებლობით დადგენილ ამ წესებს შეისწავლის სახელმწიფო ინსპექტორის სამსახური“,

– განაცხადა ოთარ ჩახუნაშვილმა.

შეგახსენებთ, რომ  „მწვანე სკოლის“ ყოფილმა მოსწვალემ, 15 წლის ლუკა სირაძემ,  სიცოცხლე

თვითმკვლელობით დაასრულა.