-
2019-12-16 14:55
საქართველოს პრეზიდენტის სალომე ზურაბიშვილის განცხადებით, იგი თავისუფლად გადაადგილდება ყველგან, სადაც სურს.
როგორც მან ჟურნალისტებს განუმარტა, საზოგადოებისგან უნდობლობას ვერ გრძნობს და „ხუთკაციანი გამოსვლები“ მას აზრს ვერ შეაცვლევინებს.
"მე არ მინახავს საკუთარი მოსახლეობის უნდობლობა. მე დავდივარ ქუჩაში, დავდივარ რეგიონებში, ვხვდები ხალხს დიდი დოზით და დიდი დოზით სიყვარულით. ჩემთვის საზომი, თუ როგორ აფასებს მოსახლეობა თავის პრეზიდენტს, ეს არის და არა ხუთკაციანი გამოსვლები. ძალიან მნიშვნელოვანია, რომ პრეზიდენტსა და ხალხს შორის არ გაწყდეს ეს ურთიერთობა. სადაც საჭიროა სალობიეშიც ვივლი და სხვა თავშეყრის ადგილებშიც ძალიან თავისუფლად. ფეხით სიარულს გავაგრძელებ და ვიქნები ჩემ ხალხთან ერთად, სადაც საჭიროა და როგორც საჭიროა."- განცხადა საქართველოს პრეზიდენტმა
რაც შეეხება მის საარჩევნო სისტემასთან დამოკიდებულებას, მისი თქმით პრეზიდენტი არ უნდა ერეოდეს პოლიტიკური პარტიების მოსაზრებებში.
„მე, როგორც პრეზიდენტს, არ მაქვს უფლება ჩემი პირადი მოსაზრება მოვახვიო თავს ან საზოგადოებას ან პოლიტიკურ პარტიებს. მე ვისურვებდი, როგორც ამ საკითხზე, ისევე ბევრ სხვა საკითხზე მოინახოს რაიმე გამოსავალი, ეს არის საჭირო ქვეყნის სტაბილურობისთვის“ - განმარტავს სალომე ზურაბიშვილი