2014-02-28 22:50

„მიმაჩნია, რომ არ ვალდებული ავხსნა, რატომ არ მინდა აი დი ბარათი“ - განაცხადა გედევან ფოფხაძემ - „ესაა ჩემი პირადი ცხოვრება და ისიც ჩემი საქმეა, ავიღებ თუ არა ამ ბარათს“.

ფოფხაძის თქმით, მიუხედავად იმისა, რომ ის აიდი ბარათებში საფრთხეს ვერ ხედავს, ის უთანაგრძნობს საზოგადოების იმ ნაწილს, რომელიც აიდი ბარათის აღების წინააღმდეგია. „იმის გამო, რომ ბარიკადის სხვადასხვა მხარეს არ აღმოვჩნდეთ, უნდა შევუქმნათ უსაფრთხო გარემო ალტერნატიული შეხედულების მქონე ადამიანებს, ჩვენ ყველა ერთნაირები ვართ და ერთი ქვეყნის მოქალაქეები“.

ამავე თემის განხილვისას დიმიტრი ლორთქიფანიძემ აღნიშნა, რომ პირადი ცხოვრების ხელშეუხებლობა ძირითადი უფლებაა. მისი განცხადებით, ადამიანმა თავად უნდა განსაზღვროს პერსონალური ინფორმაციის რომელი ნაწილი გაასაჯაროოს.

ლორთქიფანიძეს მიჩნია, რომ საქართველოში ევროპულ კონვენციასთან შეუფერებელი კანონმდებლობა მოქმედებს, რომლის მიხედვითაც სახელმწიფო თავად განსაზღვრავს, პერსონალური ინფორმაციის რომელი ნაწილი გაასაჯაროოს და რომელი არა.

„არიან ადამიანები, რომლებიც ფიქრობენ, რომ ერთ ინტეგრირებულ ჩიპზე ყველანაირი ინფორმაციის თავმოყრა გაადვილებს სხვა, მესამე პირის მიერ მათი კონტროლის შესაძლებლობას“, - დაამატა ლორთქიფანიძემ.