2014-02-26 19:27

საქართველოს პრეზიდენტი (2004-2013წ.წ.) მიხეილ სააკაშვილი დღეს კიევში კიევო-მოგილიანსკის ეროვნული უნივერსიტეტის აკადემიის სტუდენტებთან და პროფესორ-მასწავლებლებთან შეხვედრაზე იყო მიწვეული.

მიხეილ სააკაშვილმა მიმდინარე მოვლენებზე, ყირიმში არსებულ ვითარებაზე, უკრაინის წინაშე დღეს მდგარ გამოწვევებზე ისაუბრა და უპასუხა სტუდენტებისა და პროფესორ-მასწავლებლების შეკითხვებს.

აკადემიის სააქტო დარბაზმა, სადაც შეხვედრა ჩატარდა მიხეილ სააკაშვილის მოსმენის მსურველები ვერ დაიტია. აკადემიაში სხვა უმაღლესი სასწავლებლების სტუდენტებიც მივიდნენ.

შეხვედრის დასრულების შემდეგ მიხეილ სააკაშვილმა სამსახსოვრო ფოტოებიც გადაიღო. შეგახსენებთ, რომ კიევო-მოგილიანსკის ეროვნული უნივერსიტეტის აკადემია, როგორც კიევო-მოგილიანსკის აკადემიის მემკვიდრე, ითვლება უკრაინის ერთერთ ყველაზე ძველ და პრესტიჟულ უმაღლეს სასწავლებლად.