2014-02-26 19:03

ყირიმელმა თათრებმა, რომლებიც სიმფეროპოლში, ყირიმის რადის შენობასთან პრორუსული ძალების მიერ ჩატარებული მიტინგის კონტრაქციას ატარებდნენ, პრორუსები შენობის მისადგომებიდან განდევნეს და შენობაში შევიდნენ.

ვრცელდება ალტერნატიული ცნობები შეტაკებაში დაზარალებულთა შესახებ. მედიის მონაცემებით, 20-ზე მეტი ადამიანი დაშავდა, ხოლო „ბი-ბი-სის“ ჟურნალისტმა დაწერა, რომ ერთი ადამიანი დაიღუპა.

ერთერთი რუსი ჟურნალისტი წერს, რომ როგორც მინიმუმ, ორი ადამიანი შეტაკების დროს ხალხის მასამ სასიკვდილოდ გადათელა. ოფიციალურად მომიტინგეთა გარდაცვალების ფაქტი არ დადასტურებულა.

რამდენიმე შეტაკების შემდეგ, მედიის ცნობით, ყირიმელმა თათრებმა, რომლებიც ყირიმის უკრაინის შემადგენლობაში დარჩენას და ევროინტეგრაციას უჭერენ მხარს, რადის შენობაში შესვლა მოახერხეს, რის შემდეგაც რიგგარეშე სხდომა გადაიდო.