-
2014-02-26 13:12
იური ვაზაგაშვილის პრესკონფერენციის დაწყებამდე მცირე ინციდენტი მოხდა, რადგან პკ–ზე მისულმა ლევან გაბუნიამ ვაზაგაშვილი შვილის მკვლელობაში დაადანაშაულა.
გაბუნიას მტკიცებით, 2003 წლის 23 დეკემბერს იური ვაზაგაშვილის შვილმა ზურამ მისი ვაჟი გიორგი მოკლა, მანამდე კი, 2002 წლის 25 ნოემბერს – გიორგი გაბუნიას მეგობარი ბექა პაპუაშვილი:
„დღემდე მისი ფული მოქმედებდა. ჩემი შვილი რომ მოკლეს, საქმის აღძრვაც არ უნდოდათ. გამოძიების დაწყებას 7 თვის შემდეგ მივაღწიე. მის შვილს ბრალიც ჰქონდა წაყენებული. მკვლელობით აღიძრა საქმე, მაგრამ წინა მთავრობაში პირდაპირ მითხრეს, სანამ ეს მთავრობა იქნება, ამ საქმეს არ გამოიძიებენ, რადგან დიდი თანხაა გადახდილიო. გაჩერებული არ ვყოფილვარ და არც ვაპირებ. აქედან პირდაპირ მივდივარ გამომძიებელთან“, – თქვა ლევან გაბუნიამ.