2019-05-09 18:25

“არა პუტინის მარშს საქართველოში!” - პრორუსული და მოსკოვიდან მართული მსვლელობის კონტრაქცია თბილისში.

შეკრების ინიციატორები “უკვდავ პოლკს” პუტინის პროპაგანდისტული რეჟიმის პროექტად მიიჩნევენ, რომელიც ოკუპანტი სახელმწიფოს რბილი ძალის ერთ-ერთი ფორმაა. სამოქალაქო აქტივისტები აქციის მიზნად არა “უკვდავი პოლკის” მსვლელობის ჩაშლას, არამედ საპირისპირო, პროდასავლური აზრის მშვიდობიანად დემონსტრირებას ასახელებდნენ.

ფაშიზმზე გამარჯვებიდან დღეს 74 წელი გავიდა. 9 მაისის აღნიშვნა ტრადიციულად თბილისში ვაკის პარკიდან დაიწყება, სადაც ვეტერანებთან შესახვედრად მისვლას გეგმავენ მთავრობის წევრებიც. მეორე მსოფლიო ომი კაცობრიობის ისტორიაში ყველაზე მასშტაბური და სისხლისმღვრელი კონფლიქტი იყო. მას 60 მილიონამდე ადამიანის სიცოცხლე შეეწირა.