2014-02-25 23:35

გადაცემა „არჩევანის“ ეთერში, წამყვანის შეკითხვაზე, მიიღო თუ არა კიევში ოფიციალურ თანამდებობაზე შეთავაზება, მიხეილ სააკაშვილმა დადებითად უპასუხა.

„დიახ, იყო რამდენიმე მაღალ ოფიციალურ თანამდებობაზე შეთავაზება, ყოველგვარი ხუმრობის გარეშე, მაგრამ მე არ მინდა ახლა ამაზე ლაპარაკი. აქ ისაა მთავარი, რომ უკრაინაში ყველა, ვისაც შევხვდი, იძახის: „ჩქარა, საქართველოს მსგავსი რეფორმები პოლიციაში, სხვადასხვა სისტემებში“...

მე დავდიოდი ქუჩებში, ვხვდებოდი ხალხს და ყველა აღფრთოვანებულია საქართველოს მაგალითით, წარმადგინეს კიდეც, როგორც იმ ხალხის წარმომადგენელი, რომელმაც თითქმის შეუძლებელი შეძლო.

მაგრამ მთავარი ისაა, რომ ეს ხალხი ძალიან მაგარი ხალხია. ისინი შეძლებენ, რეფორმები დაიწყონ და განახორციელონ, მათ გასაკეთებელ საქმეს ჩვენ ვერ გავაკეთებთ...“, - განაცხადა კიევიდან პირდაპირი ჩართვის დროს მიხეილ სააკაშვილმა.