-
2018-05-30 16:33
სამეგრელოში სამი ახალგაზრდა მამაკაცი მოკლეს. შემთხვევა ხობის მუნიციპალიტეტის სოფელ პირველ მაისში მოხდა.
სამივე გარდაცვლილი ფარცვანიების სახლში მეზობელმა ნახა.მეზობლები ყვებიან, რომ გარდაცვლილები მეგობრები არიან და გოგიტა ფარცვანიასთან სადილობდნენ, თუმცა არ იციან რა მოხდა.
ერთ-ერთი ვერსიით, ერთმა ახალგაზრდამ ორი პირი მოკლა და შემდეგ თავი მოიკლა. სამივე ცეცხლსასროლი იარაღით არის მოკლული და ყველა მათგანს თავში აქვს ტყვია მოხვედრილი.
შინაგან საქმეთა სამინისტრომ გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებებში განზრახ მკვლელობას გულისხმობს.
წყარო: რუსთავი2