-
2017-11-13 10:42
თვითმმართველობის არჩევნების მეორე ტურის წინასწარი შედეგები ცნობილია.
ოზურგეთში დამოუკიდებელმა კანდიდატმა კონსტანტინე შარაშენიძემ ხმათა 50.11 პროცენტი მიიღო, ხოლო „ქართული ოცნების“ მერობის კანდიდატს ბეგლარ სიორიძეს მხარი ამომრჩეველთა 49.89 პროცენტმა დაუჭირა.
ბორჯომში მმართველი გუნდის მერობის კანდიდატს, ლევან ლიპარტიას ამ დროისთვის 55.22 პროცენტი აქვს, ზაზა ჩაჩანიძეს „პატრიოტთა ალიანსიდან" კი, 44.78 პროცენტი.
ხმების 61.31 პროცენტი ხაშურში მიიღო „ქართული ოცნების“ მერობის კანდიდატმა გიორგი გურასპაშვილმა, დამოუკიდებელმა კანდიდატმა, რამაზ ნოზაძემ კი - 38.69 პროცენტი.
მარტვილში მმართველი გუნდის კანდიდატმა ალექსანდრე გრიგალავამ ხმათა 93.4 პროცენტი მიიღო.
ქუთაისში კი, „ქართული ოცნების“ კანდიდატმა გიორგი ჭიღვარიამ 87.55 პროცენტი მიიღო. მიუხედავად იმისა, რომ „ნაციონალური მოძრაობის“ მერობის კანდიდატმა არჩევნებში მონაწილეობაზე უარი თქვა, 12.45 პროცენტმა მხარდაჭერა გრიგოლ ვაშაძეს გამოუცხადა.
არჩევნების მეორე ტურზე საოლქო საარჩევნო კომისიებში სულ 29 საჩივარი დაიწერა, რომლებიც ძირითადად პროცედურულ დარღვევებს შეეხებოდა.