2017-10-11 17:29

არასამთავრობო ორგანიზაციების წარმომადგენლები კანონის უხეშ დარღვევაზე საუბრობენ და აცხადებენ, რომ საკრებულოს თავმჯდომარეს არ ჰქონდა სხდომის დახურვასთან მიმართებაში ერთპიროვნულად გადაწყვეტილების მიღების უფლება.

სამოქალაქო სექტორი საკრებულოს თავმჯდომარეს თვითმმართველობისა და ადმინისტრაციის კოდექსი დარღვევაში ადანაშაულებს და იმედოვნებს, რომ საქმე სასამართლოში გადაინაცვლებს.

„კოლეგიური ორგანოს გადაწყვეტილება უნდა არსებობდეს საკრებულოს სხდომის დახურვასთან დაკავშირებით. ერთპიროვნულად საკრებულოს თავმჯდომარეს არ შეუძლია გადაწყვეტილებების მიღება სხდომის დახურვასთან დაკავშირებით, ამიტომ გადაწყვეტილება ამ სხდომის დახურვასთან დაკავშირებით ეწინააღმდეგება როგორც თვითმმართველობის კოდექსს, ასევე თავად საკრებულოს რეგლამენტს, ასევე ზოგადი ადმინისტრაციულ კოდექსს,“-აცხადებს ”სამართლიანი არჩევნებისა და დემოკრატიის საერთაშორისო საზოგადოების” აღმასრულებელი დირექტორი მიხეილ ბენიძე.