გურიაში, 28 წლის ირაკლი ტარიელაძე საკუთარ საცხოვრებელ სახლთან ჩაცხრილეს . შემთხვევა ოზურგეთის მუნიციპალიტეტის სოფელ გრუიანთაში მოხდა.
მეზობლების თქმით, საქმე ეხება რამდენიმე ჰექტარ სასოფლო მიწას, რის გამოც, გარდაცვლილსა და მის მეზობელს შორის ურთიერთობა ბოლო წლების განმავლობაში უკიდურესად იყო დაძაბული. ადგილობრივების თქმით, მეზობლებს შორის დაპირისპირება კი, ხშირად ფიზიკურ შეხლა-შემოხლამდეც მიდიოდა.
გარდაცვლილს კონფლიქტის გამო საცხოვრებელი სახლის დატოვებაც მოუწია, თუმცა, გუშინ ძმის ოჯახს სტუმრობდა.
ამ წუთებში ის მეზობელი, რომლსაც გარდაცვლილის ოჯახი მკვლელობის სავარაუდო შემკვეთად ასახელებს, პოლიციაში დაკითხვაზე იმყოფა. მისი ნათესავები ბრალდებებს უარყოფენ, თუმცა, კონფლიქტის არსებობას ადასტურებენ.
გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.
წყარო:რუსთავი2