2017-09-29 20:28

25 მომხრე, 3 წინააღმდეგი - თბილისის საკრებულომ ივანიშვილთან დაკავშირებული სადაო საკითხი დაამტკიცა.

პუშკინის სკვერთან, „პანორამა თბილისის“ სასტუმროს მიმდებარედ მიწისქვეშა ავტოსადგომის ასაშენებლად მიწის ნაკვეთს ფუნქციური ზონის სტატუსი შეეცვალა. სხდომის დაწყებამდე საკრებულოში მოვლენები ფიზიკური და სიტყვიერი დაპირისპირების ფონზე ვითარდებოდა.
ოპოზიცია მმართველ გუნდს უკანონობაში ადანაშაულებს და სხდომის ჩატარების უფლებას არ აძლევდა.

მათი მოთხოვნა იყო,რომ საკითხი მიწის გადაცემის შესახებ თვითმართველობის არჩევნების დასრულების შემდეგ ახალმა საკრებულომ განიხილოს.
საუბარია პუშკინის სკვერის მიმდებარედ 1 900 კვ. მეტრი მიწის ნაკვეთის და ასევე, ბოტანიკური ბაღის მიმდებარედ 5000 კვ მეტრ მიწის ნაკვეთზე,რომელიც თაბორის მთაზე მდებარეობს.

ოპოზიცია მიწის ნაკვეთის ბიძინა ივანიშვილისთვის გადაცემას აპროტესტებს. რამდენიმე წუთის წინ ოპოზიციის წევრები საკრებულოს სხდომათა დარბაზიდან გააძევეს, რასაც ფიზიკური დაპირისპირება მოჰყვა.