უკრაინის პრემიერი ვლადიმირ გროისმანი კალინოვკის სამხედრო ნაწილში გაჩენილ ხანძარზე პასუხისმგებლობას რუსეთს აკისრებს,-განცხადება ამის შესახებ გროისმანმა მთავრობის საგანგებო სხდომაზე გააკეთა.
"ჩვენ მტერი დაგვესხა თავს - რუსეთის ფედერაციის შეიარაღებული ძალები და მისი მებრძოლები. ისინი ყველაფერს გააკეთებენ იმისთვის, რომ დაგვასუსტონ, შექმნან ისეთი გამოწვევები, რომლებიც ჩვენს განადგურებას ისახავს მიზნად. მინდა ყველამ გაიგოს, როგორი გამოწვევების წინაშეც არ უნდა დავდგეთ, ჩვენ პანიკაში არ ჩავვარდებით. ყველა სიტუაციაში შევძლებთ სწორი გადაწყვეტილებების მიღებას. არავის აქვს უფლება ჩვენს ქვეყანას ზიანი მიაყენოს," - განაცხადა გროისმანმა.