ენმ-ს ერთ- ერთი ლიდერის, ნიკა მელიას განცხადებით, კონსტიტუცია, რომელსაც დღეს უმრავლესობა მიიღებს არის ერთპარტიული და დიქტატორული.
მისი თქმით, მას არ შურს "ოცნების" არც ერთი წევრის, რადგან მისი თქმით, ის დანამდვილებით ხედავს მათ მომავალს, როგორ ეცდებიან ისინი მომდევნო ხელისუფლებასთან "მიტმასნებას". მელიას თქმით, დღევანდელი დღე ხელისუფლებას ბუმერანგივით მოუტრიალდება
"ამ საკონსტიტუციო პროცესით დაადასტურეთ, რომ ხართ მარტო, არც ერთი მოკავშირე არ გყავთ და რაც არ უნდა ილაოპარაკოს ქალბატონმა ეკა ბესელიამ, რომ აქაც არ არის ჩემი ტანი და თავიო, თქვენი თავი და ტანია ქალბატონო ეკა. თქვენ იღებთ ამ კონსტიტუციას ისე, რომ არც ერთი პოლიტიკური მოკავშირე არ გყავთ" განაცხადა მელიამ. მისიევ თქმით, ის, რომ ბესელიამ და ენძელა მაჭავარიანმა მიაღწიეს შეთანხმებას ამ კონსტიტუციაზე , ის, რომ კობიაშვილი და კალაძე შეთანხმდნენე , ის რომ ვოლსკი და ქანთარიაც შეთანხმდნენ, არის თანხმობა, მაგრამ მხოლოდ ოცნების შიგნით.
"ის რომ თქვენ დღეს აქ ბევრნი ხართ, ამან შეცდომაში შეგიყვანათ. ნუ გგონიათ, რომ დარბაზის მიღმა უმრავლესობაში ხართ. ძალიან ცუდად დაგიჯდებათ, ძალიან ცუდად მოგიტრიალდებათ დღევანდელი დღე იმიტომ, რომ რაც არ უნდა გულზე მჯიღი იცეთ, ბატონი ოქრიაშვილი, რომელიც იჯდა და ხელს ყველაფერზე წევდა ნაციონალური მოძრაობის რიგებიდან და დღეს თქვენ გყავთ და ასევე ყველფერზე ხელს წევს, დიახ, პირველი იქნება ვინც გიღალატებთ. ბატონო ოქრიაშვილი მუთაქებით მოტანილი ადამიანი უმრავლესობაში გიზით" განაცხადა მელიამ, რომელსაც სხდომის წამყვანმა კოლეგებისთვის შეურაცხყოფის მიყენების მოტივით, მიკროფონი გამოურთო.
