-
2017-09-20 12:50
თურქეთის პრეზიდენტმა საქართველოს ტერიტორიულ მთლიანობას მხარდაჭერა გამოუცხადა. რეჯეპ ტაიპ ერდოღანმა აღნიშნა, რომ საქართველოსა და აზერბაიჯანის ტერიტორიული მთლიანობა სამხრეთ კავკასიაში რეგიონული სტაბილურობისთვის გადამწყვეტი ფაქტორია.
“საქართველოსა და აზერბაიჯანის ტერიტორიული მთლიანობა გადამწყვეტი სამხრეთ კავკასიაში რეგიონული სტაბილურობისთვის. ჩვენ უნდა გავაძლიეროთ მუშაობა მთიანი ყარაბახის, აფხაზეთისა და სამხრეთ ოსეთის კონფლიქტების დარეგულირების საკითხზე. არ უნდა დაგვავიწყდეს, რომ ყოველი კრიზისი, რომელსაც დღეს უყურადღებოდ დავტოვებთ, შესაძლოა ხვალ რეგიონულ ან საერთაშორისო კრიზისად გადაიქცეს,”-განაცხადა ერდოღანმა.
საქართველოს ტერიტორიულ მთლიანობასა და სუვერენიტეტს გაეროს ტრიბუნიდან კიდევ ერთხელ დაუჭირა მხარი პოლონეთისა და ესტონეთის პრეზიდენტებმა.
გაეროს გენერალური ასამბლეის 72-ე სესიაზე, დებატების გახსნის დღეს ერთ-ერთი მთავარი საკითხი საქართველო იყო. ქვეყნის სუვერენიტეტისა და ტერიტორიული მთლიანობის წინაშე არსებულ პრობლემებზე წევრი სახელმწიფოების მეთაურებმა ისაუბრეს.