2017-09-15 18:13

"რუსეთ-საქართველოს ახალგაზრდული კავშირის" თავმჯდომარეს ირაკლი ყიფიანს თავისი მობილურის საწყის ეკრანზე ვლადიმირ პუტინის ფოტო აქვს მიმაგრებული.

ტვ "იბერიის" ეთერში, არჩილ გამზარდიას გადაცემაში ჩართვის დროს მან თურქეთის მხრიდან რუსული სარაკეტო კომპლექსის შემსყიდველი ფოტოს დემონსტრირება სცადა, როგორც ჩანს, ფოტო წინასწარ ჰქონდა მომზადებული, მაგრამ უმოქმედობის ვადის ამოწურვის შემდეგ მობილურის ეკრანი დაიბლოკა და როცა ყიფიანმა ის კამერებისკენ შეაბრუნა, ეთერში საწყისი ეკრანის ფოტო - ვლადიმირ პუტინის პორტრეტი გამოჩნდა.

"ეს ფოტო რამეს გეუბნებათ, საერთოდ?.. ეს ფოტო არა...", - დაიბნა ირაკლი ყიფიანი და ეკრანს ხელი გადაუსვა, რის შემდეგაც ის განიბლოკა და ადრე გამზადებული - რუსული სარაკეტო კომპლექსის ფოტო გამოჩნდა.