სამხრეთ ოსეთის თვითაღიარებული რესპუბლიკის დე ფაქტო ხელისუფლების ცნობით, არცევში "ხანძარსაწინააღმდეგო ხნულების" გავლება დასრულებულია და 1-დან 30 სექტემბრამდე ორჭოსანსა და წინაგარაშიც დასრულდება.
ამის შესახებ ინფორმაციას დე ფაქტო ხელისუფლების КГБ ავრცელებს. სახელმწიფო უშიშროების კომიტეტის ცნობით, არცევში ხანძარსაწინააღმდეგო ხნულების გავლება დასრულებულია, ხოლო 1 სექტემბრიდან საინჟინრო სამუშაოები ორჭოსანსა და წინაგარაში დაიწყება.
ხნულები, რომელთაც სეპარატისტული ხელისუფლება "ხანძარსაწინააღმდეგო ხნულებად" მოიხსენიებს, სინამდვილეში, ბორდერიზაციის ერთერთი ფორმაა. მსგავსი ხნული უკვე გავლებულია ყარაფილაში, სადაც უკანონო ბანერი ქვეყნის მთავარი მაგისტრალიდან 400 მეტრშია განთავსებული. ამ ხნულს მიღმაა მოქცეული ბაქო-სუფსის ნავთობსადენის 1,5 კმ-იანი მონაკვეთიც.