2017-08-03 21:21

პუტინის თანაპარტიელი არტურ კავენიოვი თბილისში იმყოფება. როგორც ცნობილია, ის საქართველოში გუშინ მოსკოვიდან საპატრიარქოს მოწვევით ჩამოსული დელეგაციის წევრია. 

რუსეთის დუმის დეპუტატის არტურ კავენიოვის საპატრიარქოში ვიზიტსა და პატრიარქთან შეხვედრას ადასტურებს მამა გიორგი გურჩიანი. "კურიერთან" საუბრისას მამა გიორგი გურჩიანი, რომელიც რუსეთის დელეგაციის ერთ-ერთი მასპინძელია ადასტურებს, რომ არტიომ კავენიოვი თბილისში გუშინ, რამდენიმე სასულიერო პირთან ერთად ჩამოვიდა და პატრიარქს ილიაობა - მფარველი ანგელოზის დღე მიულოცა. კავენიოვი სვეტიცხოველში იმყოფებოდა, სადაც ილია მეორემ ლოცვა აღავლინა, საღამოს კი ის საპატრიარქოშიც მიიწვიეს და ილია მეორეს საჩუქარიც გადასცა. მამა გიორგი ამბობს, რომ ეს იყო მეგობრული და თბილი შეხვედრა, რუსმა დეპუტატმა პატრიარქისგან ლოცვა-კურთხევაც მიიღო.