-
2017-08-03 20:40
ჯანდაცვის მინისტრი დავით სერგეენკო თვლის, რომ საოკუპაციო ზოლების გადმოწევა არ ხდება და ახალი ბანერების დამონტაჟება ოკუპანტების მხრიდან დაკავშირებულია 2008 წლის აგვისტოსთან ომთან. მისი თქმით, სწორედ იმ ტერიტორიის მონიშვნა ხდება , რომელის გადმოწევის ლეგიტიმაცია მისცა მაშინდელმა ხელისუფლებამ რუსეთს მისცა.
"ძალიან ხშირად, სამწუხაროდ, ამ ქმედებების აღწერისას გამოიყენება ტერმინი მცოცავი ოკუპაცია, რომელიც თავის საფუძვლით არ არის სწორი. ეს არანაირი მცოცავი და ეტაპობრივი არ არის, ეს არის, სამწუხაროდ, იმ ფარგლების, იმ საზღვრების დადგენა, რომელსაც 2008 წელს, ძალიან სამწუხაროდ, ლეგიტიმაცია გაუკეთა მაშინდელმა მთავრობამ. არანაირი ახალ საზღვრებზე გადმოწევა არ ხდება,"- აცხადებს დავით სერგეენკო.