2017-08-01 21:10

რუსეთ-საქართველოს აგვისტოს ომის დაწყების დღეს რუსეთის პრეზიდენტი ვლადიმერ პუტინი აფხაზეთში ჩადის და ოკუპირებული აფხაზეთის ე.წ. პრეზიდენტ ხაჯიმბას შეხვდება.

ვიზიტი მოკლევადიანია. პუტინის პრესსპიკერი პესკოვი ამ ვიზიტზე კომენტარს არ აკეთებს. წყაროს ცნობით, ოკუპირებულ აფხაზეთში პუტინის ვიზიტი რუსეთ-საქართველოს ომის დაწყების თარიღს ემთხვევა.

გამოცემის ცნობით, ბოლოს პუტინიო ოკუპირებულ აფხაზეთში 2013 წელს იყო და ის ანქვაბს შეხვდა. რაც შეეხება ხაჯიმბას გამოცემა წერს, რომ ის აქტიურად დადის მოსკოვში და ბოლოს პუტინს გასული წლის დეკემბერსი შეხვდა.

რუსეთის სახელმწიფო სათათბიროს დსთ-ის საქმეთა კომიტეტის თავმჯდომარის მოადგილე კონსტანტინე ზატულინი ვარაუდობს, რომ პუტინის ვიზიტის მიზეზი საქართველოში 1 აგვისტოს ამერიკის ვიცე პრეზიდნეტის მაიკ პენსის ვიზიტს უკავშირდება.