2017-08-01 20:18

აშშ-ს ვიცე პრეზიდენტმა მაიკ პენსიმ პირველი ოფიციალური შეხვედრა ოპოზიციურ პარტიებთან გამართა.შეხვედრის დასრულების შემდეგ ნაციონალური მოძრაობის ერთ-ერთმა ლიდერმა ნიკა მელიამ განაცხადა, რომ ამერიკის ვიცე პრეზიდენტს სხვა საკითხებთან ერთად საკონსტიტუციო ცვლილებებზეც ესაუბრნენ.

„ვისაუბრეთ, რომ ერთპარტიული გადაწყვეტილებაა მიღებული და "ქართული ოცნება" თვითიზოლაციაშია და მხოლოდ მას სურს, რომ მიიღოს საკონსტიტუციო ცვლილება და მთელი ოპოზიციური სპექტრი, მთელი საერთაშორისო, ვენეციის კომისია, საქართველოს პრეზიდენტი არის სხვა აზრზე,“ - განაცხადა ნიკა მელიამ.

მელიას განცხადებით, საუბარი შედგა როგორც პოლიტიკურ, ასევე სოციალურ და ეკონომიკურ უსაფრთხოებაზე.

მელიას თქმით, ვიცე პრეზიდენტის ვიზიტი ადასტურებს, რომ აშშ-ის ადმინისტრაცია და თავად მაიკ პენსი საქართველოს სუვერენიტეტს და ტერიტორიულ მთლიანობას, მხარს ურყევად უჭერს.

„მათი მხარდაჭერა ჩვენს მიმართ, არის 100%-იანი. ახლა ჯერი არის საქართველოს ხელისუფლებაზე,“ - აღნიშნა ნიკა მელიამ.