2017-07-31 21:29

BBC-ის რუსული სამსახური აშშ-ს ვიცე პრეზიდენტის მაიკ პენსის საქართველოში ვიზიტს ეხმაურება. "საქართველო შეერთებული შტატების ორბიტაზე ბრუნდება"- სტატიას ამ სათაურით BBC-ი ავრცელებს. სტატიაში აღნიშნულია, რომ ამერიკის ახალი ადმინისტრაციის წარმომადგენლის პირველი ვიზიტი საქართველოში აჩვენებს, რომ ვაშინგტონი კვლავ განსაკუთრებულ ყურადღებას აქცევს ახალ, არატრადიციულ მოკავშირეებსა და პარტნიორებს.

"მაიკ პენსის ვიზიტი არის ნათელი ნიშანი, რომ შეერთებული შტატები ამ საკითხში მათ მხარს უჭერს"- ნათქვამია სტატიაში.

სტატიაში აღნიშნულია, რომ სწორედ საქართველოში ვაზიანის სამხედრო აეროდრომზე ნატოსა და მისი პარტნიორების მრავალეროვნული სამხედრო წვრთნები "ღირსეული პარტნიორი 2017"-ის პარალელურად საქართველოში მაიკ პენსის ორდღიანი ვიზიტი დაიწყო.