2017-07-31 13:38

რამდენიმე წუთის წინ საქართველოს ცენტრალურ ავტობანზე ამერიკულმა სამხედრო ჯავშანტექმნიკამ ჩაიარა. საოკუპაციო ზოლის ახლოს , სოფელ ყარაფილას გადასახვევთან აშშ-ს სამხედროებს საქართველოს მოქალაქეები დროშებითა და ტრანსფარანტებით შეხვდნენ.

,,ძალა ერთობაშია"-აქციის მონაწილეები, რომლებიც უკვე მასამე დღეა ავტობანზე პერფომანსს ,,ფრთხილად რუსი ოკუპანტები 400 მეტრში არიან" დღეს ამერიკული სამხედრო ტექნიკის მარშს ყარაფილას გადასახვევთან აღმოსავლეთის მიმართულების ბანზე ტრანსფარანტებით დახვდნენ. ისინი აცხადებებ, რომ ეს არის მათი მხრიდან ისეთივე გზავნილი, როგორიც ამ დღეების მანძილზე იყო ავტობანზე მოძრავი მოქალაქეებისთვის.

აქციის ორგანიზატორების განცხადებით, დღეს თითოეული მოქალაქე კარგად უნდა აცნობიერებდეს რა მნიშვნელობისაა ქვეყანაში მიმდინარე სწავლება და პარალელურად ამერიკის ვიცე პრეზიდენტის მაიკ პენსის ვიზიტი.