2017-07-27 21:14

უკრაინაში, ევრომაიდანზე, მიხეილ სააკაშვილის თანაგუნდელები მისთვის მოქალაქეობის ჩამორთმევას აპროტესტებენ.მათ ევრომაიდნიდან პრეზიდენტ პოროშენკოს ადმინისტრაციისკენ გადაინაცვლეს.

პარტიის ლიდერებს პრეზიდენტის ადმინისტრაციაში სპეციალური განაცხადის დატოვება სურდათ. ისინი დოკუმენტს ითხოვენ, რომელშიც დასაბუთებულად იქნება გადმოცემული, თუ რის საფუძველზე ჩამოართვა პეტრო პოროშენკომ მიხეილ სააკაშვილს მოქალაქეობა.

უკრაინული მედიის ინფორმაციით, კიევში უკრაინის პრეზიდენტის ადმინისტრაციის შენობის წინ მიხეილ სააკაშვილის მხარდამჭერებსა და პოლიციას შორის დაპირისპირება მოხდა.დაპირისპირების შემდეგ პოლიციამ პრეზიდენტის ადმინისტრაციის შენობაში საინიციატივო ჯგუფი შეუშვა.

მიხეილ სააკაშვილის მხარდამჭერი პოლიტიკოსები კი აცხადებენ, რომ მის წინააღმდეგ გეგმა უკრაინის ხელისუფლების მიერ არის შემუშავებული და მათ ამ პროცესში მონაწილე პირების ვინაობა უკვე იციან.