2017-07-25 16:45

შს სამინისტროს განცხადებას, რომელიც უწყებამ საზოგადოებრივი მოძრაობის - „ძალა ერთობაშია“ ორგანიზატორებთან შეხვედრის შემდეგ გაავრცელა და სადაც საუბარია, იმაზე, რომ საფრთხის გამო მსგავსი ინიციატივის განხორციელება უწყებას მიზანშეწონილად არ მიაჩნია მოძრაობის ერთ-ერთი ორგანიზატორი ლაშა ბერულავა ეხმაურება:

"არ მიმაჩნია, რომ შსს ს განცხადება ჩვენი მოძრაობის წინააღმდეგაა მიმართული. კარგად მესმის, რომ თემა სენსიტიურია, ამ სამოქალაქო აქტივობისთვის პატრულირების ან მონიტორინგის დარქმევამ, შესაძლოა, გაურკვევლობა გამოიწვიოს, რაც, ცხადია, ქვეყნის საერთაშორისო იმიჯზეც იმოქმედებს.

ამიტომ საორგანიზაციო ჯგუფის წევრები იდეის ავტორთან ერთად დავსხდებით და გამოვნახავთ ჩვენი მისიის ისეთ ფორმას, რომელიც არც დამაბნეველი იქნება, არც რომელიმე მხარისთვის ზიანის მომტანი და რაც ჩაჯდება გამოხატვის თავისუფლების ჩარჩოში, რაზეც შსს ს განცხადებაშიცაა აღნიშნული. მზად ვართ, საერთაშორისო სადამკვირვებლო მისიების წარმომადგენლებსაც შევხვდეთ და ჩვენი მიზანი განვუმარტოთ" აცხადებს ბერულავა .