2017-07-24 18:25

პანიკა ზუგდიდის სავაჭრო ცენტრში ,,ალიანსი’’ - მოვაჭრეებმა ანონიმისგან გაფრთხილება მიიღეს და თითქმის ერთი კვირაა ხანძრის მოლოდინში არიან.

ინფორმაციას ამის შესახებ odishinews.ge ავრცელებს. მათი ცნობით, როგორც მოვაჭრეებმა განაცხადეს, საპირფარეშოში იპოვეს წერილი, სადაც ავტორი მოვაჭრეებს სავაჭრო ცენტრის დაცლისკენ მოუწოდებდა.მოვაჭრეების თქმით, ნაწილმა გასაყიდი საქონლისაგან დაცალა დახლები და აქვთ შიში , თუმცა მიზეზებზე არ საუბრობენ.

სავაჭრო ცენტრის ადმინისტრაციაში აღნიშნული ფაქტი დაადასტურეს და გადამღებ ჯგუფს იმ წერილის ასლიც აჩვენეს, რომელიც საპირფარეშოში იპოვეს.