2017-07-14 13:27

სოფელ ბერშუეთში, სადაც ჟურნალისტების მიერ ორგანიზებულ ანტისაოკუპაციო აქციაზე მოქალაქეები რუსულ მცოცავ ოკუპაციას აპროტესტებენ აქციის მონაწილეებმა ახალი მწვანე ბანერი დაამაგრეს.

ბანერზე, წერია, რომ რუსეთ საქართველოს საზღვარი როკის გვირაბთან არის და არა ბერშუეთში და სახელმწიფო საზღვრამდე 101 კილომეტრია.

ახალ საოკუპაციო ხაზთან პროტესტი მდუმარეა. ისმის მხოლოდ შეძახილები , სახელმწიფო ჰიმნი, არ არის პოლიტიკური შინაარსის გამოსვლები.

აქცია დილის 10 საათზე დაიწყო, ტრანსფარანტებით, სახელმწიფო სიმბოლიკითა და მეგობარი ქვეყნების დროშებით აღჭურვილმა აქციის მონაწილეებმა ახალ საოკუპაციო ხაზამდე გზა მსვლელობით გაიარეს.