2017-06-05 13:40

საქართველოს მესამე პრეზიდენტმა, ოდესის ოლქის ყოფილმა გუბერნატორმა, უკრაინის ოპოზიციური გაერთიანების "ახალ ძალთა მოძრაობის" ლიდერმა მიხეილ სააკაშვილმა ქალაქ სვეტლოვოდსკში თავისი პარტიის კანდიდატები წარადგინა.

მიხეილ სააკაშვილმა პასუხი გასცა ახალგაზრდა მამაკაცს, რომელიც შეკრებაზე პროსახელისუფლო პოზიციით წარსდგა:

"2004 წელს მე იუშენკოსთან ერთად მაიდანზე ვიდექი... მაშინ მას არ გამოუვიდა, მაგრამ საქართველოში ჩვენ გამოგვივიდა. იცით? რატომ გამოგვივიდა? იმიტომ რომ ვინც ჩასმას იმსახურებდა ციხეში, ციხეში ჩავსვით, თუმცა, ყველა არა... ბევრი დარჩა... და მეორე იმიტომ, რომ ჩვენ არ ვიპარავდით...

თქვენ ხელისუფლების მიღწევები ჩამოთვალეთ და ქანდაკებები ახსენეთ. ქანდაკებები კარგია, მაგრამ ის ქვაა და 500 დოლარი ღირს. ადამიანები ქანდაკებებისთვის კი არ იხოცებიან, უკეთესი უკრაინისთვის ბრძოლაში იხოცებიან, სანამ თქვენი ხელისუფლება სასახლეებს იშენებს... ყვცელას მოუწევს პასუხისგება, მათ შორის, თქვენს დეპუტატსაც - ასე გადაეცით ჩემგან", - მიხეილ სააკაშვილის ამ სიტყვებს ოვაციები მოჰყვა.