2017-05-24 20:38

შსს-მ დეპუტატ ირაკლი ხახუბიას შვილის ავტოსაგზაო შემთხვევევის საქმეზე შიდა ქართლის საპატრულო პოლიციის ორი ხელმძღვანელი პირი თანამდებობიდან გაათავისუფლა. უწყების ინფორმაციით, ორივე თანამშრომელი გამოძიების დასრულებამდე კადრების განკარგულებაშია გადაყვანილი.

შეგახსენებთ, რომ 17 მაისს გორთან მომხდარ ავტოსაგზაო შემთხვევას ირაკლი ხახუბიას შვილის, 21 წლის ბექა ხახუბიას სიცოცხლე ემსხვერპლა. მედიაში გავრცელებული ინფორმაციით, შემთხვევა იმ დროს მოხდა, როდესაც საპატრულო პოლიცია ნასვამ მდგომარეობაში მყოფი ბექა ხახუბიას მანქანის გაჩერებას ცდილობდა და მას ტრაილერით გზა ჩაუკეტა. ხახუბიამ ავტომანქანა ვერ დაიმორჩილა და ტარილერს შეეჯახა.