ყაჩაღობა რუსთავში - იარაღის მუქარით მიკროსაფინანსო კომპანია "ლენდო" დააყაჩაღეს. გავრცელებული ინფორმაციით, შემთხვევა დღეს დილით დაახლოებით 10:00 საათისთვის მოხდა.
წინასწარი ცნობით, თავდამსხმელმა მიკროსაფინანსო კომპანიიდან 10 000 ლარის წაღება შეძლო. არსებული ინფორმაციით, თავდამსხმელი იარაღის მუქარით კომპანიის მოლარეს ობიექტზე შეჰყვა და თანხის მიცემა აიძულა.
შემთხვევის ადგილზე ექსპერტ-კრიმინალისტები მუშაობენ.
ყაჩაღობის ფაქტს ადასტურებენ შინაგან საქმეთა სამინისტროში. უწყების ინფორმაციით, მომხდარზე სისხლის სამართლის საქმე 179-ე მუხლით აღიძრა, რაც ყაჩაღობას გულისხმობს.