2017-05-22 09:34

სახელმწიფო აუდიტის შუალედური დასკვნა, რომელშიც ოთარ ფარცხალაძის ფინანსურ ინტერესებზეა საუბარი, დღეს გახდება ცნობილი.

წინასწარი ინფორმაციით, საუბარია ყოფილი მთავარი პროკურორისთვის სახელმწიფოსგან მიწის გადაცემაზე, სადაც სავარაუდოდ, კორუფციული სქემა იკვეთება.

დღესვე დასკვნა რეაგირებისთვის პროკურატურას გადაეგზავნება. მთავარი აუდიტორი მოუწოდებს საგამოძიებო უწყებას, შეისწავლონ დოკუმენტში წარმოდგენილი ფაქტები, სადაც თორდიას მტკიცებით, მერიის მხრიდან ფარცხალაძისთვის მიწის გადაცემის დროს, დანაშაულის ნიშნებია.

აუდიტის სამსახურის ხელმძღვანელი ლაშა თორდია "ელ ცენტროში" მომხდარ ინციდენტს სწორედ უწყების მიერ მომზადებულ დასკვნას უკავშირებს. თორდია ამბობს, რომ კონფლიქტი ოთარ ფარცხალაძემ მიმდინარე გამოძიების გამო დაიწყო.