2017-05-18 17:57

სახელმწიფო აუდიტის სამსახურის უფროსი, ლაშა თორდია აცხადებს, რომ მასა და ოთარ ფარცხალაძის ინციდენტთან დაკავშირებით გამოძიება არასწორი მუხლით მიმდინარეობს.ინფორმაციას "საზოგადოებრივი მაუწყებელი" ავრცელებს.

როგორც ლაშა თორდიამ არასამთავრობო ორგანიზაციების წარმომადგენლებთან შეხვედრის შემდეგ ჟურნალისტებს განუცხადა, ოთარ ფარცხალაძის ადვოკატებს საქმის სხვაგვარად წარმართვა სურთ.
"დაიწყეს უაზრო საუბრები წამიერ შეხვედრაზე. დაახლოებით ერთი წუთი გრძელდებოდა ჩხუბი, 12 რაუნდი არ მიჩხუბია. 10 წამში შემიძლია მე, მარტომ, მის ადვოკატს იმაზე უარესი, რაც მათ მე დამმართეს. საუბრობენ იმაზე, რომ გავედი საპირფარეშოში, თავი ვურტყი კედელს და დაზიანებები თვითონ მივიღე. ეს არის აბსურდის თეატრი, ცირკი, რომელსაც ოთარ ფარცხალაძე თავისი ადვოკატების საშუალებით ალაგებს.

გამოძიება სპეციალურად ისეთი მუხლით მიმდინარეობს, რომ კამერების ჩანაწერების ამოღება არ მოხდეს, რათა გავიდეს დრო და ამ კამერების ჩანაწერები წაიშალოს. ეს არის ჩემი ერთადერთი მტკიცებულება. მათი მოწმეები იქნებიან ის ადამიანები, რომლებზეც ისინი მოახდნენ ზეწოლას, რადგან ჩემი ინფორმაციით, ფარცხალაძის მაგიდაზე, გარდა მიშა ჩოხელისა, ფინანსური პოლიციის ხელმძღვანელობაც იყო: მოადგილე, საგამოძიებოს უფროსი და ყველა ის ადამიანი, ვისაც  ზეწოლის მოხდენა ხელეწიფება. ეს ადამიანები თავს გადაირჩენენ",- განაცხადა ლაშა თორდიამ.