2017-05-18 15:28

"პარტიული მედია, "რუსთავი2"-ს ვგულისხმობ, თავისი საკუთარი გამოძიების შედეგებს ასაღებს, როგორც რეალობას," - ამ განცხადებით ვიცე-პრემიერი, ალექსანდრე ჯეჯელავა, აუდიტის სამსახურის ხელმძღვანელზე განხორციელებულ თავდასხმას გამოეხმაურა.

ალექსანდრე ჯეჯელავა ამბობს, რომ "რუსთავი2"-თან ერთად ამ პროცესში ჩართულია არასამთავრობო სექტორის ნაწილიც და მათი ქმედებები პოლიტიკურ მიზნებს ემსახურება.

"პარტიული მედია, "რუსთავი2"-ს ვგულისხმობ, თავისი საკუთარი გამოძიების შედეგებს ასაღებს, როგორც რეალობას. არსებობენ ასეთი არასამთავრობო ორგანიზაციებიც, რომელიც გამოძიებაზე უფრო ადრე თვლიან, რომ მათი დადგენილი ჭეშმარიტება ჭეშმარიტებაა. ეს, რა თქმა უნდა, არ არის სანდო და კონკრეტულ ინტერესებს ემსახურება ამ შემთხვევაში,“ - განაცხადა ალექსანდრე ჯეჯელავამ.