2017-05-18 15:22

“რამდენიმე დღის დაგვიანებით მოხდა მისი დაკითხვა. ესეც გარკვეულწილად მიუთითებს იმაზე, რომ რაღაც პრობლემები არსებობს გამოძიებაში,“- აცხადებს სახალხო დამცველი ლაშა თორდიაზე მომხდარი თავდასხმის საქმეზე.

უჩა ნანუაშვილის განცხადებით, გონივრულ ვადაში უნდა მოხდეს ამ საქმესთან დაკავშირებით ყველა დეტალის გარკვევა. ომბუდსმენი ამბობს, რომ მაშინ ,როცა არსებობენ მოწმეები, არის ვიდეოჩანაწერი გამოძიების ამ დრომდე გაჭიანურება კითხვის ნიშნებს აჩენს.

"როდესაც საუბარია ერთ-ერთ კონსტიტუციური ორგანოს ხელმძღვანელზე, მაღალი თანამდებობის პირზე მომხდარ თავდასხმაზე და აქ, სავარაუდოდ, ამაზეა საუბარი და გამოძიებამ ყველაფერი უნდა გააკეთოს, რომ უმოკლეს ვადებში რამდენიმე დღის განმავლობაში გასცეს ყველა კითხვას პასუხი. რაც უფრო გრძელდება ეს პროცესი, მე ვფიქრობ, უფრო მეტი კითხვის ნიშანი ჩნდება,“ - განაცხადა უჩა ნანუაშვილმა.