სამართალდამცავებმა "თავისუფალი ზონის" წევრი, გიორგი რუხაია დააკავეს. პოლიციის თანამშრომლებმა რუხაია ორთაჭალაში პლაკატების გაკვრის გამო დააკავეს.
ის წინასწარი დაკავების იზოლატორშია გადაყვანილი.
საქალაქო სასამართლო აღნიშნულ საქმეზე დღეს იმსჯელებს. "თავისუფალი ზონის" წევრების ინფორმაციით, რუხაიას დაკავება სწრაფი კვების ერთ-ერთი ობიექტიდან მოხდა, სადაც ის მეგობრებთან ერთად იმყოფებოდა.
შსს ინფორმაციით, გიორგი რუხაია თავდაპირველად ადმინისტრაციული კოდექსით, იერსახის დამახინჯების ფაქტზე იყო გამოვლენილი, შემდეგ კი, პოლიციისთვის წინააღმდეგობის გაწევის მუხლით დააკავეს.