2017-05-16 14:41

ოთარ ფარცხალაძე ქვეყნის დატოვებას გეგმავს, - ამის შესახებ განცხადება ახალი საქართველოს ლიდერმა, გიორგი ვაშაძემ, გააკეთა.

ვაშაძის თქმით, ოთარ ფარცხალაძე საქართველოს რამდენიმე დღეში დატოვებს. მისივე ინფორმაციით, სწორედ ამ გეგმის განხილვა მიმდინარეობდა ორი დღის წინ ყოფილი მთავარი პროკურორის სახლში, როდესაც მასთან შს სამინისტროს თანამშრომლები იმყოფებოდნენ.

მისი თქმით, შს თანამშრომლებს შორის იყვნენ საავიაციო უსაფრთხოების თანამშრომლები. გიორგი ვაშაძე ინფორმაციის წყაროდ სამართალდამცავ ორგანოებს ასახელებს.

ვაშაძე ასევე აცხადებს, რომ ეცდებიან, საქმე იქითკენ შემოატრიალონ, რომ ლაშა თორდია დებოშის მოყვარული ან ალკოჰოლისადმი მოდრეკილი პიროვნებაა.

ვაშაძე პროკურატურას მოუწოდებს, სასამართლოს მიმართოს შუამდგომლობით, რათა ოთარ ფარცხალახეს ქვეყნის დატოვება აეკრძალოს.
ახალი საქართველო აუდიტის სამსახურის ხელმძღვანელზე თავდასხმის საქმეზე საგამოძიებო კომისიის შექმნასაც მოითხოვს.