2017-05-15 13:39

უკრაინაში დაღუპული ქართველი მებრძოლი დავით სიხარულიძე, რომელიც 12 მაისს დონეცკის რეგიონის სოფელ ნოვოლუგანსკთან სნაიპერის ტყვიამ იმსხვერპლა, სამშობლოში ჩამოასვენეს.

სიხარულიძე 1992-93 წლებში აფხაზეთის ომში იბრძოდა. 2008 წელს მონაწილეობდა რუსეთ-საქართველოს ომში, რა დროსაც, ახლობლების ინფორმაციით, მძიმედ დაიჭრა.

2010-2014 წლებში ის კრწანისის სასწავლო ცენტრში, განათლების სარდლობაში მსახურობდა. 2014 წელს მან შეიარაღებული ძალები საკუთარი გადაწყვეტილებით დატოვა და უკრაინაში გაემგზავრა.

დავით სიხარულიძე 2015 წელიდან მოხალისედ „აიდარის" ბატალიონში იბრძოდა.

თბილისის საერთაშორისო აეროპორტში ოჯახის წევრებთან და ყოფილ თანამებრძოლებთან ერთად, პოლიტიკოსებიც იმყოფებოდნენ.