2017-05-12 13:13

 
საქართველოს მოსახლეობის 63 % მიიჩნევს, რომ ქვეყნისთვის მთავარი საფრთხე რუსეთია.

ამის შესახებ, ამერიკის ეროვნულ დემოკრატიული ინსტიტუტის მიერ გამოქვეყნებულ საზოგადოებრივი აზრის კვლევაშია ნათქვამი. კვლევის მიხედვით, კითხვაზე რომელი ქვეყანა წარმოადგენს ყველაზე დიდ საფრთხეს საქართველოსთვის, მაჩვენებლები შემდეგნაირად გადანაწილდა:

რუსეთი - 63 %, თურქეთი - 6 %, ამერიკა - 5 %, საქართველო - 1 %, სომხეთი - 1 %, ირანი 1 %. კატეგორია „არ ვიცი“ – 15 %. ამასთან, NDI-ის კითხვაზე, რომელი ქვეყანა უზრუნველყოფს საქართველოს უსაფრთხოებას ყველაზე უკეთ, ხმები შემდეგნაირად გადანაწილდა: ამერიკის შეერთებული შტატები - 35 %, საქართველო - 12 %, რუსეთი - 10 %, აზერბაიჯანი 2 %, საფრანგეთი 1 %, თურქეთი 1 %, გერმანია 1 %, სომხეთი 1 %. კატეგორია „არც ერთი“ აირჩია 18 %-მა, ხოლო 17 %-მა პასუხი „არ იცის“.
NDI-მ საქართვლოს მასშტაბით სულ 2 500 ადამიანი გამოკითხა. კვლევა აპრილში ჩატარდა. გამოკითხვა სრულად ორშაბათს გამოქვეყნდება. ცდომილება +/-2,7%-ია.