2017-04-06 17:47

გურამ რჩეულიშვილმა საპატიმრო დატოვა. სასჯელაღსრულების მერვე დაწესებულებასთან მას ოჯახის წევრები, მეგობრები და ახლობლები შეხვდნენ. 

შეგახსენებთ, რომ რჩეულიშვილი საქალაქო სასამართლომ დღეს 30 ათას ლარიანი გირაოს სანაცვლოდ გაათავისუფლა.

გურამ რჩეულიშვილის გათავისუფლების გადაწყვეტილება მოსამართლე მაია შოშიაშვილმა პროკურატურის შუამდგომლობის საფუძველზე მიიღო. 

პროკურატურამ მისი გათავისუფლების მოთხოვნა 50 ათას ლარიანი გირაოს სანაცვლოდ დააყენა, თუმცა საბოლოო ჯამში მოსამართლემ რჩეულიშვილი 30 ათას ლარიანი გირაოს საფუძველზე გაათავისუფლა. რჩეულიშვილს 9 თვიანი პატიმრობის ვადა რამდენიმე დღეში ეწურებოდა.

მას გამოძიება დიდი ოდენობით თანხების მითვისებას ედავება, საქმე ეხება ბათუმის მაგნოლიის ეპიზოდს, საუბარია 19 მილიონ ლარზე.

სასჯელაღსრულების დაწესებულებასთან იმყოფება ცენტრ-პოინტის კრიზის-მენეჯერიც. ნიკა ბერიძე ამბობს, რომ კომპანიაში თითქმის დასრულდა მოლაპარაკება სხვადასხვა ინვესტორთან. მისი თქმით, მუშაობა მიმდინარეობს დაახლოებით 7 ინვესტორთან და ობიექტებზე შესვლა მაისის დასაწყისში იგეგმება.