2017-04-04 16:24

საქართველოს პრეზიდენტის პარლამენტში ვიზიტს მთავრობის წევრები ეხმაურებიან. განცხადება ვიცე-პრემიერმა კახი კალაძემ გააკეთა.

მისი თქმით, პარლამენტში პრეზიდენტის გამოსვლას მთავრობა პრემიერ-მინისტრის მეთაურობით დაესწრება, თუმცა მისთვის უცნობია, როგორი იქნება პარლამენტში პრეზიდენტის გამოსვლის ფორმატი.

კალაძის განცხადებით, მთავრობას პრეზიდენტთან სადებატო არაფერი აქვს. 

„პრეზიდენტთან სადებატო მე ვფიქრობ, არაფერი არ გვაქვს მთავრობას. ზოგადად, გამოსვლას და შინაარსს რაც შეეხება, მე არ მაქვს ინფორმაცია რაზე იქნება საუბარი, ეს ალბათ პრეზიდენტს უნდა ჰკითხოთ,“ - განაცხადა კახა კალაძემ.