2017-04-03 12:35

შინაგან საქმეთა მინისტრის ყოფილ მოადგილეზე გელა ხვედელიძეზე თავდასხმის შესახებ ინფორმაციას გაზეთ ”ქრონიკა +”-ის მთავარი რედაქტორი ელისო კილაძე ავრცელებს.

კილაძის თქმით, ხვედელიძეზე თავდასხმა დღეს დილით, მისსავე საცხოვრებელ სახლთან მოხდა. მისივე თქმით, თავდაა, შს მინისტრის ყოფილ მოადგილეზე თავდასხმის თვითმხილველი.

კილაძის ინფორმაციით, გელა ხვედელიძეს თავს ნიღბიანი პირები დაესხნენ და ამ დროისთვის ის საავადმყოფოშია მოთავსებული. 

„ამ წუთას თავდასხმა მოხდა გელა ხვედელიძეზე. მიწიდან ამოგიღებ ნაძირალა გოგაშვილო,“-წერს ელისო კილაძე, საიდანაც ირკვევა, რომ ის თავდასხმაში სოსო გოგაშვილს ადანაშაულებს. ელისო კილაძე "ფეისბუქზე" ასევე წერს, რომ გელა ხვედელიძე მისი მეგობარია. 

ელისო კილაძემ თავდასხმასთან დაკავშირებით, 15:00 საათზე, "ქრონიკა პლუსის" ოფისში საგანგებო ბრიფინგი დაანონსა. 

შსს-ში გელა ხვედელიძეზე მომხდარ თავდასხმაზე კომენტარს ჯერჯერობით არ აკეთებენ.