2017-03-31 15:57

როცა მთელი ოჯახი პასუხისგებაშია მიცემული ეს საკითხი პრობლემურია,-აცხადებს სახალხო დამცველი ,,ცენტრ პოინტის" საქმეზე საუბრისას.

მისი თქმით, უნდა მოხდეს დაზარალებულების უფლებების დაცვა. დაზარალებულები კი სასამართლოს დღევანდელი გადაწყვეტილებით შეღავათს ვერ იღებენ.

"ალბათ, უნდა ვისაუბროთ იმაზე, როგორ მოხდეს დაზარალებულთა უფლებების დაცვა, რომ მათ გარკვეული კომპენსაციები მიიღონ. უშუალოდ საქმეს რაც შეეხება, ჩვენ უფრო მეტი ინფორმაცია გვექნება, როცა გამოქვეყნდება სასამართლოს გადაწყვეტილება და გავეცნობით, თუ რას დაეყრდნო სასამართლო.

ზოგადად, ეს საკითხი არის პრობლემური, როცა მთელი ოჯახი პასუხისგებაშია მიცემული. ეს, რა თქმა უნდა, ნამდვილად არ არის სასიამოვნო. უნდა ვისაუბროთ იმაზე, დაზარალებულებს ამით რა კონკრეტული შეღავათი აქვთ - ფაქტობრივად არაფერი", - განაცხადა უჩა ნანუაშვილმა.