2014-02-20 16:10

საქართველოს პრეზიდენტი (20004–2013) მიხეილ სააკაშვილი აცხადებს, რომ ის, რაც ახლა კიევში ხდება, შიდაუკრაინული პრობლემა არ არის.

ამის შესახებ მიხეილ სააკაშვილმა უკრაინული ტელეარხის 1+1 ეთერში ჩართვისას განაცხადა, როცა კიევში მიმდინარე მოვლენების სესახებ ისაუბრა:

„ახლა გავიგე, რომ გენშტაბის ხელმძღვანელი შეუცვლიათ, ალბათ, პუტინი მას უფრო ენდობა. ჩვენ შემთხვევაშიც 2007 წელს საქართველოში აქციები ფინანსდებოდა რუსი ოლიგარქის მიერ. ისევე როგორც 2012 წელს რუსული ფულით იყო აქციები მოწყობილი ჩვენი ხელისუფლების წინააღმდეგ.

2007 წელს, მაშინ როცა ამ ყველაფერმა მასშტაბური ხასიათი მიიღო, მე მივიღე ხისტი გადაწყვეტილებებიც, მაგრამ ამის შემდეგ, მიუხედავად იმისა, რომ ამას აღარავინ ითხოვდა, დავთმე ხელისუფლება, რადგან ჩავთვალე, რომ არ შეიძლება, ხელისუფლებას ჩაებღაუჭო.

მე მჯერა, რომ უკრაინა, უკრაინელი ხალხი ამ ბარიერს გადალახავს და ყველაფერი კარგად იქნება. უკრაინელი ხალხი იმსახურებს უკეთეს ხელისუფლებასა და უკეთეს მომავალს“, – განაცხადა მიხეილ სააკაშვილმა.