ოპოზიციონერმა დეპუტატმა ანატოლი გრიცენკომ გაავრცელა ინფორმაცია, რომ ქვეყნის თავდაცვის მინისტრმა დნეპოპეტროვსკის ცალკეული საჰაერო-სადესანტო ბრიგადის 500 წევრის კიევში გაგზავნის ბრძანება გასცა.
გრიცენკოს თქმით, მედესანტეები სრული საბრძოლო აღჭურვილობით იქნებიან და მათ დაუყოვნებელი გამგზავრების ბრძანება მიიღეს. დეპუტატის ინფორმაცია თავდაცვის მინისტრმა დაადასტურა:
„დიახ, მე გავეცი ეს ბრძანება, რათა კიევში სამხედრო ბაზები და იარაღის არსენალები დავიცვათ“, - განაცხადა ლებედევმა.