2016-10-02 23:35

"თავისუფლად მსუნთქავი" ბიზნესის კიდევ ერთი მაგალითი: ბიზნესმენი გიორგი კორახაშვილი, რომელიც უკვე მესამე წელია, საქართველოდან წასულია, ივანიშვილის მთავრობის სამიზნე გახდა: ყველა მისი ბიზნესი მიზანმიმართულად ჩაიძირა და განადგურდა.

ბიზნესმენი "პოსტკრიპტუმთან" ჰყვება, როგორ გაანადგურა ბიძინა ივანიშვილის მთავრობამ მისი ოჯახის მიერ ჯერ კიდევ 1989 წელს დაარსებული კომპანია "ალგორითმი", ასვე მისი სხვა ბიზნესი: ღვინის ქარხანა, სასათბურე მეურნეობა... 

გიორგი კორახაშვილმა ჟურნალისტს მეხსიერების ბარათიც გადასცა, სადაც შენახულია იმდროინდელი (2012 წლის შემდეგ) მაღალი სახელმწიფო თანამდებობის მქონე პირებთან სატელეფონო საუბრების ჩანაწერები. ერთ-ერთი პირი, ვინც გიორგი კორახაშვილის ბიზნესსაქმიანობაში იყო ჩარეული, ირაკლი შოთაძეც გახლდათ, რაც "მაგთიკომიდან" გამოთხოვილი დეტალური ანგარიშით დასტურდება.

ბიზნესმენი აცხადებს, რომ ამ და სხვა ჩანაწერებს მხოლოდ მაშინ გამოაქვეყნებს, როცა დამოუკიდებელი და მიუკერძოებელი გამოძიების ჩატარების პირობები იქნება.